ENG
MK
ALB
Kryetari Nuhi Neziri realizoi vizitë në Komunën e Vitisë |
|---|
 |
| Kryetari i Komunës së Tearcës ( i shoqëruar nga Tahir Shabani-Ambasador i Paqes) realizoi vizitë në Komunën e Vitisë, ku u prit nga homologu tij Sokol Haliti. Gjatë këtij takimi, kryetari Neziri e ka njoftuar atë për zhvillimet e gjithëmbarshme në këtë komunë, konkretisht rreth projekteve që janë realizuar dhe atyre që pritet të realizohen. Gjithashtu në këtë takim është folur edhe për mundësitë e bashkëpunimit të dy komunave në interes të qytetarëve dhe atë, në kuadër të agjendave ndërkombëtare. Ndërkaq, kryetari i komunës së Tearcës, Nuhi Neziri potencoi në këtë takim që kanë arritur të ndajnë shumë mendime dhe shumë projekte të përbashkëta që sipas tij i lidhin ato. Kryetari Haliti e çmoi lart vizitën e ztr.Nuhi Nezirit dhe të dy kryetarët u dakorduan që në takimin e radhës të dy institucionet të nënshkruajnë një dokument të bashkëpunimit në sferat që kanë më shumë nevojë këto dy komuna - bashkëpunimit në sferën e arsimit, kulturës, sportit e duke e veçuar fushën e bujqësisë. |
 Ndërkaq Tahir Shabani, Ambasador i Paqes, i cili ishte edhe nismëtar i këtij bashkëpunimi zyrtar i përgëzoi iniciativat e tilla. Ai tha se ato janë frymëzuese për bashkëpunim për të përgatitur agjenda ekonomike, diplomatike në mes të vendeve anëtare të BE-së dhe Brukselit, duke shtuar se, shumë shpejt do të bëhet propozimi i një agjende preliminare në BE që trajtojnë politika regjionale. Shabani tha se ata po punojnë edhe për të organizuar një samit të paqes me kryetarët e komunave nën patronazhin e BE-së. |
 Në vazhdën e kësaj vizite Kryetari Neziri u prit në takim edhe nga stafi i Televizionit Lokal (Komuna e Vitisë). |
Posted on June 08, 2023 |
